Hoi zäme.

Wer i bin weis niemert so genau . Vo wo i her kumm au nit. I glaub sEinzig wo i würklich weis isch, dass es mir da wo i jetzt bin mega guet gfallt. I bin der Grufti da im Stall, so nennt die hütig Jugend doch die Alte, oder?

Also nomol zum Afang: I han bis im Herbst 05 im Jura glebt. Dört bin i vor Jahre mal mit mim Kumpel und ma Esel uf d`Weid geh und im Herbst eifach nüm abgholt worde. Mi Kumpel isch im `05 gstorbe. Leider händ im Jura denn nüm so viel Zit ka für mi. Will ich aber no immer fit und vor allem FRECH bin gsi (und immer no bin), händ sie für mich es guets Plätzli gsuecht.

Wo d`Laura denn is Jura isch ko Calia hole het sie per Zufall au mich entdeckt. Und will sie mich so charmant gfunde het, het sie mich kurzerhand au no grad ipackt.